Nakuha sang 19-anyos nga weightlifter nga si Albert Ian Delos Santos sang Zamboanga ang bag-o nga junior world record sa 2025 IWF World Championships sa Forde, Norway.
Sa ika-tatlo niya nga attempt sa clean and jerk, nahakwat ni Delos Santos ang 185 kilograms sa 71-kg division, nga naghatag sa iya sang bag-o nga junior record kag ika-walo nga puwesto sa kabug-usan nga kompetisyon.
Bisan pa nga wala pa ini nakalab-ot sa full junior world standard, si Delos Santos ang ginpasidunggan sang International Weightlifting Federation (IWF) kag sang presidente sini nga si Mohammed Jalood bangud sa iya makatingala nga performance.
Suno kay Delos Santos, ginahanda na niya ang iya kaugalingon para sa masunod nga Southeast Asian Games (SEA Games) sa Thailand sa Disyembre.
Sa karun, nagatraining ini sa HD Weightlifting Academy upod sa iya mga mentors nga sanday Coach Naranjo kag Olympic gold medalist Hidilyn Diaz-Naranjo.
Ginpahayag ni Delos Santos nga handum niya nga malab-ot ang Olympic gold medal kag magbilin sang inspirasyon para sa masunod nga henerasyon.
