Nagparada ang masobra kinyentos ka mga pets sa red carpet sang 21st Annual Pet Blessing sa Eastwood City, Quezon City sang Domingo, Oktubre 5, sa kabahin sa pagselebrar sang World Animal Day.
Ginpangunahan ni Fr. Chris Fajardo ang seremonya sang pagbendisyon sa mga hinuptan nga sapat kaangay sang mga ido, kuring, kag rabbit nga nag-upod sa ila mga agalon.
Isa sa mga nagtambong amo ang isa ka pet owner nga nagdala sang iya duha ka alaga bisan pa nga may edad na kag may balatian.
Ginpatigayon man ang mga paghinun-anon kag workshops para sa mga “fur parent,” kun sa diin ginpamangkot sila parte sa maayo nga pag-atipan sang ila mga kasapatan kag ginhatagan man sila sang mga giveaways bilang pagpasalamat.
Ang World Animal Day ginaselebrar kada Oktubre 4, bilang international day of action para sa animal rights and welfare, kag nagatupa man ini sa Kapistahan ni Saint Francis of Assisi, nga kilala bilang patron sang mga sapat kag kalibutan.
