Ginpili ni President Ferdinand “Bongbong” Marcos Jr. si Department of Justice (DOJ) secretary Jesus Crispin “Boying” Remulla, bilang bag-o nga Ombudsman.
Siya ang natalana nga magserbe sa sulod sang pito ka tuig tubtob sa 2032.
Nagpanguna si Remulla gikan sa anom ka iban pa nga kandidato sa shortlist nga ginsumiter sa Presidente kalakip ang heavyweight contenders kaangay ni Philippine Competition Commission chairperson Michael Aguinaldo.
Bilang bag-o nga Ombudsman, si Remulla ang magapanguna sa constitutional body nga ginhatagan sang gahom sang 1987 Constitution sa pagprosecute, suspend, fire kag pagfile sang criminal cases batok sa mga government officials nga nakahimo sang sala.
Ginbuslan ni Remulla si former ombudsman Samuel Martires nga appointee ni former President Rodrigo Duterte nga nagretiro na sang Hulyo.
