Ginatapos nalang ang nagakaigo nga mga papeles agud nga marelease sang Bacolod City Government ang P2 million cash assistance para sa mga biktima sang linog sa Bogo City, Cebu.
Suno kay Bacolod City Mayor Greg Gasataya, magadonar ang Bacolod City Government sang P2 million cash sa mga nalinugan sa Bogo City.
Pahayag sini nga sa baylo nga mga relief goods, nadesisyunan nga cash nalang ang ihatag sa mga biktima sang 6.9 magnitude nga linog.
Suno sa alkalde ginatapos nalang ang mga papeles kag sa tion nga makumpleto na ang kinahanglanon nga rekisitos, ipadala na gilayon ang cash assistance sa nasambit nga Local Government Unit.
Una na nga nagpadangat sang simpatiya kag nagpasalig ang alkalde nga ang ciudad sang Bacolod ang magahatag sang bulig sa mga nalinugan.
Ang cash ang kuhaon sa pondo sang City Government kag ang iban diri ang nagikan man sa mga donations.
Nahibaluan nga sang October 1 kadungan sang pagbukas sang Masskara Festival 2025 celebration, ginpangamuyuan man ang mga biktima sang linog.
