Apat sa mga gingamit nga armas-luthang sa shooting incidents nga nagluntad sa probinsya sang Negros Occidental ang nagmatch sa mga armas-luthang nga narecover sa Sipalay City sang Hulyo.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, may yara sang mga police stations ang nagreport nga nagmatch ang armas-luthang nga gingamit sa mga shooting incident nga nagluntad sa ila lugar sa 9mm cal. pistol nga nga narecover sa suspek nga ginserbehan sang search warrant sa Sipalay City sang tinalikdan nga Hulyo.
Ang suspek ang ginkilala nga si Jomar Dumip-ig kag yara na sa karun sa kustodiya sang Sipalay City Police Station.
Ang mga shooting incidents ang nagluntad sang 2024 tubtob 2025 kag bangud sa nagmatch nga armas-luthang may yara na sang basehan ang mga kapulisan sa pagpasaka sang kaso sa responsable sa krimen.
Apang suno kay Catalogo ang iban ang nagpasa nalang sang affidavit of non-interest apisar nga nakahibalo na ang mga himata sang biktima kun sin-o ang suspek sa krimen.
Samtang kalabanan naman ang napasaka na nga kaso nga murder batok sa suspek.
