-- ADVERTISEMENT --
Ginapangita na ang E-bike driver nga nakuhaan sang video nga nagasakay sa side car imbes nga sa motorsiklo mismo samtang nagabyahe sa Araneta Street, Bacolod City.
Suno kay Land Transportation Office- Negros Island Region Regional Director Jeck Cunlo, ginapangita na agud makilal-an ang E-bike driver kag tag-iya sang electric vehicle agud maesturya ini kag mapahibalo kun ano ang iya sala.
Suno diri, bangod sala ang ginhimo sang driver mahimo nga i-revoke ang iya lisensya kag kun wala man ini sang lisensya mahimo nga ma-blacklist siya agud indi na makakuha sang driver’s license.
