47 patay, matapos ginbombahan sang militar ang mga nagapatigayon sang rally protest sa Myanmar

Patay ang 47 ka mga persona matapos nga ginbomba sang militar ang mga nagapatigyon sang rally protests sa Myanmar.

Natabo ang insidente sa Chang U sa central Myanmar kun sa diin kapin 100 ka mga persona ang nagtipon kag nagpatigayon sang protesta.

Naggamit ang mga suldado sang motorized paraglider kag naghulog sang bomba.

Humalin sang 2021, pila ka libo na ang nagkalamatay kag pila ka milyon ang nawad-an sang puluy-an bangud sa military coup nga nagresulta sa civil war sa tunga sang militar kag mga ethnic militias.