Ginapanugyan sang mga medical professionals sa tagsa ka pamilya ang family planning kag pila sa mga iloy ang nagpili sang Intrauterine Device (IUD).
Ang Intrauterine Device (IUD) isa ka gamay nga T-shaped nga instrumento nga ginabutang sang doktor sa sulod sang matres sang isa ka babayi.
Ginakabig man ini nga epektibo nga pamaagi sang family planning.
Apang sa pungsod Vietnam pinasahi ang natabo sa delivery room sang isa ka ospital matapos ginbun-ag ang isa ka lapsag nga may dala nga copper IUD.
Ang nasambit nga butang kuntani ang magauntat sang pagbusong bilang isa ka pamaagi sang family planning.
Suno sa doktor, kaangay sini nga insidente indi masami natabo tungod ang failure rate sang IUD yara lamang sa 0.6 percent.
Malipayon naman ang ginikanan sang bata matapos nila makita ang ila ginatawag nga “unstoppable little trophy.”
Sabaylo nga magkabalaka nagsinadya ang pamilya kag medical staff samtang gindeklarar ang “victorious entrance” sang miracle baby nga si Matheus.
