Ginpahayag sang political analyst nga bulubantayan na ang masunod nga matabo kasunod sa pag-appoint kay Sen. Erwin Tulfo bilang acting chairman sang Senate Blue Ribbon panel.
Sa interview kay Atty Jomax Ortiz, sang tuig 2008 ginpamatbatan nga guilty si Tulfo sang Supreme Court sa four counts sang libel kag ginmultahan sang P1,000,000 matapos sini gin-akusahan ang Bureau of Customs official nga extortionist.
Samtang, sang tuig 2010 sa natabo nga Manila hostage crisis, gincriticise si Tulfo sa pag-interview sa hostage-taker nga si Rolando Mendoza nga gina-alegar nagdabok sa insidente nga nagresulta sa pagkapatay sang walo ka hostage.
Sang tuig 2018, natukiban sang Commission on Audit nga ang Department of Tourism (DOT) ang ginbayaran sang Tulfo brothers sang P60 million para sa tourism ads.
Madumduman nga si Wanda Tulfo Teo, ang Secretary of Tourism sadto.
Natukiban nga ang transaction wala sang memorandum of agreement ukon kontrata.
Nagpromisa si Tulfo nga ibalik ang P60 million apang wala ini natabo kag nagresign lang si Wanda.
Pahayag ni Ortiz, santo sa background ni Tulfo, mahimo nga mangin isyu ini kag mahambal ang mga tawo nga mismo ang buaya ang naga-imbestigar man sa isa pa gid ka buaya.
Dugang pa sini, magwa ang mga tinago ni Tulfo sa pag-imbestigar sini sa kurapsyon bangod siya kurap man.
Gani crucial para kay Tulfo ang pagpadayon sang Senate Blue Ribbon Committee hearing angot sa korapsyon sa flood control projects.
