Nadakpan na ang isa sa anum ka suspek nga nangawat sa isa ka jewelry shop sa Bais City, Negros Oriental sang Sabado sang gab-i.
Ginabanta nga nagdangat sa P147,000 cash kag P2.3 million nga balor sang alahas ang nataban sang mga kawatan.
Sa interview sang Bombo Radyo Bacolod kay Police Lt. Col. Ricardo Tero, hepe sang Bais City Police Station, nadakpan ang isa ka kawatan paagi sa hot pursuit operation kag nahibaluan nga ang nadakpan may yara na sang kaso sang pagpangawat sang nakaligad.
Suno diri, bisan nadakpan ang isa ka suspek, wala sang may narekober sa iya bangod tanan nga ila ginkawat yara sa iya mga upod kag ila nakasugtan nga tungaon nila ang ila ginkawat sa lugar kun diin sila natalana nga magkitaay.
Sa karun, padayon pa nga ginapangita ang lima ka suspek nga nakapalagyo.
