-- ADVERTISEMENT --
Kampante si US President Donald Trump nga mahilway na ang mga hostages sang Hamas sa Lunes ukon Martes sa masunod nga semana.
Sa ginpatigayon nga cabinet meeting ni Trump, ginpabugal sini ang iya pagduso sang peace deal sa tunga sang Israel kag Hamas.
Bilang kabahin sang kasugtanan, una nga pagahilwayon ang mga hostages sang duha ka bahin kag ini na ang mangin pamaagi para sa permanente nga kalinong sa Gaza.
Ginalauman nga sa sulod sang 72 ka oras, pagahilwayon sang Hamas ang 20 ka buhi nga mga hostages nga yara sa karun sa ila luyo matapos ang pagsugod sang ceasefire.
Pagatestingan sini nga makapadulong sa Egypt agud magtambong sa pagperma sang kasugtanan sa tunga sang Hamas kag Israel.
-- ADVERTISEMENT --
