Ginakahangaw-an sa karun ang delay sa mga flights kag sweldo bangud sa pag-escalate sang government shutdown sa Amerika sang Miyerkules matapos ginreject sang mga Senador ang isa pa gid ka bid agud matapos na ang stand-off.
Nagboto ang Democrats sa ikaanum nga kahigayunan nga i-block ang isa ka Republican stopgap funding measure nga ginaduso agud liwat nga buksan ang mga departamento sa gobyerno.
Sa ika-walo nga adlaw sang shut down, ang mga linya sa airports ang ginlauman nga magdamo sa tunga sang nagasaka nga kakulang sang security kag safety staff sa pila ka mga masako nga hubs sa pungsod.
Nareport na ang mga problema sa kakulang sang mga staff sa dinosena nga mga airports nagikan sa Chicago kag Boston padulong sa Burbank kag Houston, suno sa Federal Aviation Administration (FAA).
Ginhingyo naman ni Transportation Secretary Sean Duffy ang mga air traffic controllers nga magsulod lang ginhapon sa trabaho sa tunga sang nagasaka nga numero sang mga naggamit sang ila nga sick leave matapos ang US government shut down.
