Ginpahayag ni Trade Secretary Cristina Roque nga nakumbinsi sini ang iban nga mga manufacturers nga indi magpasaka sang presyo sa pila ka mga Noche Buena items, ukon products nga masami ginabakal sang mga Pilipino sa holiday season.
Suno kay Roque, may isa ka brand sang ham nga nagpasalig nga mapanubo ini sang presyo samtang ang iban gina-finalize pa kun ano ang ila plano.
Suno diri, kada tuig halos tanan nagapangayo sang increase sa presyo apang sa karun nagrequest siya nga wala anay sang price increase para sa Noche Buena package.
Lauman nga iga-release sang Department of Trade and Industry ang lista sang suggested retail price para sa Noche Buena items sa masunod nga duha ka semana.
Samtang ang sa basic commodities naman, suno kay Roque ang prices mapabilin nga wala sang pagabg-o tubtob sa katapusan sang tuig.
