Gintay-og sang magnitude 6.2 nga linog ang Cagwait, Surigao del Sur alas-10:32 ang takna gab-i, Oktubre 11, 2025.
May kadalumon ini nga 010 km.
Nabatyagan naman ang Intensity IV kag III sa mga masunod nga lugar: Intensity IV – CITY OF DAVAO; Cagwait kag Carmen, SURIGAO DEL SUR, Intensity III – City of Bislig, SURIGAO DEL SUR; City of Mati, DAVAO ORIENTAL, apang ginpanubuan ini sang PHIVOLCS sa Magnitude 6.0 kag may kadalumon nga 24 kilometers.
Narecord man ang asod-asod nga aftershocks sa Davao Oriental.
Samtang, nagdangat na sa walo ka tawo ang napatay bangud sa linog sa Davao Oriental apang ini ang subject pa sa verification.
Suno kay Office of Civil Defense Deputy Administrator Bernardo Rafaelito Alejandro IV, tatlo sa mga reported nga napatay ang nagikan sa Davao Oriental, apat sa Davao de Oro kag isa naman sa Davao City.
Ang duha ka mga mabaskog nga linog nga nag-igo sa Davao Oriental nga may magnitude 7.4 kag magnitude 6.8 ang nakaapekto sa 267,000 ka mga indibidwal sa Region XI kag 210,272 ka tawo naman sa Caraga.
May yara naman sang ginabanta 11,000 ka mga indibidwal ang nagatinir subong sa 18 ka mga evacuation centers.
Sa karun, naga-focus ang Office of Civil Defense sa apat ka mga key areas of response lakip na ang banwa sang Manay sa Davao Oriental nga amo ang tuman nga naapektuhan ang linog.
