Linibo ka US government worker nadulaan sang trabaho bangud sa government shutdown

Linibo ka mga US government worker ang nadulaan sang trabaho.

Ini matapos ang nangin desisyon ni President Donald Trump nga buhinan ang mga empleyado sa White House kasunod sang government shutdown.

Nalakip sa mga nawad-an sang palangabuhian ang mga nagaubra sa Treasury Department, US health agency, Internal Revenue Service kag departments of education, commerce, kag cybersecurity division sang Homeland Security.

Wala na naman ginpahayag kun tubtob san-o ang nasambit nga lay off.

Sa kabilugan, nagdangat na sa 300,000 ka federal civilian workers ang natalana nga maghalin ukon magbiya sa ila ubra sini nga tuig.

Ginbasol naman sang US President ang Democrats sa iya nangin desisyon kag gintawag ang job cuts nga “Democrat-oriented.”