Gilayon nga nagpadala ang US sang mga suldado sini sa Israel agud nga magbulig sa pagmonitor sang ceasefire sa Gaza.
Ang mga suldado nga ginpadala ang anay man nga nakabase sa Middle East.
Magatukod man ang US military sang multinational taskforce sa Israel ukon kilala bilang civil-military coordination center.
Diri, makaupod nila ang mga suldado nagikan sa Egypt, Qatar, Turkey kag sa United Arab Emirates.
Wala man sang ibutang ang Estados Unidos nga mga suldado sa Gaza bangud ang trabaho lamang sang mga ini ang maghimo sang Joint Control Center nga magacontrol sa mga multinational force.
Ang taskforce ang pangunahan sang US Central Command nga nakabase sa Middle East kag ini ang magamonitor sang progress sang ceasefire agreement.
Magabulig man sila sa coordination sang humanitarian assistance.
Samtang ang multinational force ang magahatag sang impormasyon sa Hamas kag Israel sa tunga sang Egypt kag Qatar sang sitwasyon sa ground.
Madumduman nga gin-aprubahan sang Israel government ang una nga bahin sang Gaza deal sa Hamas nga magatapos sa ceasefire kag paghilwat sang mga bihag kag preso.
