Pormal na nga nangin layi ang hagna nga nagahatag sang libre nga serbisyo sang lubong para sa pigado nga mga Filipino matapos nga maglapse ini kag nangin layi apisar nga wala ginpermahan ni President Ferdinand Marcos Jr.
Ang Republic Act No. 12309 ukon ang “Free Funeral Services Act,” ang automatic nga nangin epektibo sang Setyembre 28 pagkatapos sang 30 ka adlaw humalin sang ginsumite ini sang Kongreso sa Malacanang santo sa Article VI, Section 27(1) sang 1987 Constitution.
Sa idalum sang layi, ang Department of Social Welfare and Development (DSWD) ang magapanguna sa paghatag sang libre nga serbisyo sang lubong sa pamilya nga yara sa krisis lakip na ang mga indigent ukon ang naapektuhan sang kalamidad.
alakip man sa funeral package ang embalsamo, haya, cremation ukon lubong, transpiration kag lungon ukon urn.
Antes maka-avail, kinahanglan nga magpasa ang pamilya sang death certificate, valid ID, kontrata sa funeral home kag social case study nagikan sa DSWD social worker.
