Kun wala ka ginbugayan sang maayo nga height… mangita kagid sang iban nga paagi agud nga magtaas lamang kaangay sang pag inum sang vitamins.
Apang subong nga panahon, madamo na sang ginasunod nga proseso, nga produkto sang pagtu-on kag teknolohiya.
Pareho lamang sang isa ka 16 anyos nga Chinese nga nagasto sang 16,700 yuan ukon P136,390.64 para sa body-lengthening treatment sessions.
Suno sa report, nagsugod si Huang sang treatment sang Pebrero kag nagtapos sang Agosto sa isa ka wala natumod nga ospital sa Xiamen, Fujian province.
Wala man sang report kun qualified ang amo nga ospital agud magpatigayon sang procedure.
Pagkatapos sang anum ka bulan nga treatment, nagtaas si Huang sang 1.4 centimeters.
Apang pagkaligad sang duha ka semana, nagbalik man ini sa orihinal niya nga height gani nagreklamo ang amay sa ospital.
Ginsabat sang staff sang ospital nga may edad na si Huang para sa nasambit nga procedure.
Apisar ginbalik sang ospital ang nagasto sang teenager para sa treatment, dismayado sa gihapon ang amay bangud suno sa iya, kuntani sa umpisa palang, ginpahibalo na sila.
Sang ulihi, natukiban nga ang ginhimo sang ospital nga pwersa sa nga pag-stretch sang tul-an sang tuhod sang bata ang indi scientific.
