Gobyerno sang Madagascar, nakuha na sang militar matapos ang pag-impeach kay President Andry Rajoelina tuga sang massive Gen Z protest

Nakuha na sang mga militar ang gobyerno sang Madagscar matapos ma-impeach si President Andry Rajoelina sang mga mamalidha kag ginpwersa nga magbiya sa pungsod.

Antes ini, nagpamalibad si Rajoelina nga magpanaog sa pwesto apisar sang naga-escalate nga protesta sang mga Gen Z nga nagademand sang iya resignation kag widespread defections sa army.

Sa national radio, gindeklarar ni Colonel Michael Randrianirina nga ginadissolve sang militar ang tanan nga institutions magluwas lamang sa lower house sang parliament ukon National Assembly.

Suno diri, isa ka komitiba nga ginalakipan sang military ang magapamuno sa pungsod sa sulod sang kapin duha ka tuig kaupod ang isa ka transitional government antes magpatigayon sang bag-o nga Eleksyon.