Pumuluyo sang Prk Carvic, Brgy Mandalagan nga masami ginabaha, nagapanawagan nga makay-o na ang pika-pika sa sapa

Nagapanawagan ang pumuluyo sang Purok Carvic, Brgy Mandalagan, Bacolod City nga makay-o na ang naguba nga pika-pika sa sapa agud malikawan ang pagbaha sa lugar bisan sa mahinay lang nga ulan.

Sa interview kay Greg Leonoras, Purok president sang Purok Carvic, ginbisita na sang Department of Public Works and Highways (DPWH)- Bacolod ang area sang tinalikdan kag ginsurvey ang lugar.

Suno diri, may yara sang plano nga pataason ang riff raff kag kay-uhon ang duha ka pika-pika nga naguba.

Kun madayon gid man nga makay-o mahagan-hagan na ang makusog nga pag-ilig sang tubig kag indi na gilayon nga magbaha sa lugar.

Sa karun ginahulat na lamang kun san-o umpisahan sang DPWH ang construction.