Ginhangkat ni Public Works Secretary Vince Dizon si Batangas 1st District Representative Leandro Leviste nga pangalanan ang mga persona nga ginaalegar may koneksyon sa mga contractors sa baylo sa kickback sa sulod sang Department of Public Works and Highways (DPWH).
Ini matapos ang pahayag ni Leviste sa isa ka press conference kun sa diin may nabaton ini nga impormasyon nagikan sa “credible” source nga pila ka miyembro sang team ni Dizon ang mga contractors ukon may connection diri.
Apisar nga wala sang ebidensya nga ginpakita si Leviste, ginpahayag sini nga may mga bag-o nga appointees nga nagapakig-angot sa mga contractors sagwa sang DPWH kag may ginapangayo nga kabaylo.
Ginpanginwala naman ni Dizon ang akusasyon kag ginpasiguro nga siya ang preparado nga magpatigayon sang imbestigasyon.
Suno diri, indi hapos mag-appoint sang undersecretary sa karun nga paniempo kag personal sini nga ginpili ang iya mga tinawo.
