Ginasuportahan sang gobernador sang Negros Occidental ang mga ginaduso nga tikang agud maimbestigaran kag mahibaluan ang rason sang tuman ka nubo nga mill gate price sang kalamay kadungan sang pagbukas sang milling season.
Suno kay Negros Occidental Governor Eugenio Jose “Bong” Lacson, indi maayo sa mga konsumidor kag mga planters ang tuman ka nubo nga mill gate price sang kalamay.
Suno kay Lacson indi lang ini makaapekto sa mga small planters kundi ang manubo nga mill gate price ang makaapekto sa cropping sa masunod nga tuig.
Ginpahayag man sini nga isa si Negros Occidental 3rd Distric Representative Javi Benitez ang naghimo sang resolution agud maimbestigaran ang tuman ka nubo nga mill gate price sang kalamay.
Suno sa gobernador subong nga semana nagsaka ang mill gate price nga yara na sa P2,350 kada sako sang kalamay.
Dugang pa sini nga panilagan nalang sa mga masunod nga semana kun may yara sang pagbag-o sa presyo.
