Ginbasura sang International Criminal Court (ICC) ang request sang Israel nga mag-apelar sa arrest warrant nanday Prime Minister Benjamin Netanyahu kag former defense minister Yoav Gallant may kaangtanan sa gyera sa Gaza.
Sa ruling, nakakita sang “reasonable grounds” ang ICC sang nagligad nga Nobyembre agud patihan nga may “criminal responsibility” sanday Netanyahu kag Gallant bangud sa gina-alegar war crimes kag crimes against humanity sa Gaza.
Nag-issue man sang arrest warrants ang ICC para sa top three leaders nagikan sa Palestinian militant movement nga Hamas apang ginbawi matapos ang ila kamatayon.
Ang warrants batok kanday Netanyahu kag Gallant ang ginka-akig sang mga tawo sa Israel kag Estados Unidos nga nagdagdag sang sanctions sa matag-as nga opisyal sang ICC.
Sang Mayo, ginhingyo sang Israel ang korte nga i-dismiss ang warrants samtang ginalantaw pa ang separado nga pagpanghangkat sa jurisdiction sang ICC sa Israel.
Ini ang ginbasura sang korte sang Hulyo 6 bangud wala sang basehan samtang pending ang pagkwestiyon sa jurisdiction.
