Ginpahayag naman sang chairperson sang Committee on Tourism sa Sangguniang Panlungsod sa ciudad sang Bacolod nga apisar sang mga pagtilaw kaangay sang pag-ulan kag pagbaha samtang ginapatigayon ang Masskara Festival 2025 nangin madinalag-on ini.
Sa interview sang Bombo Radyo Bacolod kay Councilor Jason Villarosa, ang mga pag-ulan kag pagbaha samtang nagapadayon ang selebrasyon sang Masskara Festival subong nga tuig ang nagapakita lamang sang resiliency sang mga Bacolodnon ilabi na sa mga Masskara dancers sang school category kun sa diin gin-ulanan ang mga kabataan apang nagpadayon sa pagsaot sa kumpetisyon.
Ginpasiguro man sini kaupod sa Gugma Foundation Inc nga mas pasanyugon pa ang Masskara Festival sa madason nga tuig.
Ginpasalamatan sini ang kooperasyon sang tanan.
