-- ADVERTISEMENT --
Nagdangat na sa masobra sa 68,000 ang numero sang mga napatay nga Palestino sa Gaza Strip halin sang magsugod ang tensyon sa tunga sang Hamas kag Israel, suno sa Gaza Health Ministry.
Halos 170,200 naman ang nalista nga pilason sa gyera.
Sa pihak sang ceasefire, nakabalhag ang health authorities sang halos 30 ka mga Palestino nga napatay kag 143 naman ang pilason bangud sang pag-atake sang Israel halin sang Oct. 11.
Una na nga ginpahayag sang Palestine officials kag mga rescuers nga posible pa ini magtaas bangud madamo pa sang bangkay ang naipit sa idalom sang narumpag nga mga building.
