Ginreject ni US President Donald Trump ang mga akusasyon nga siya ang “authoritarian” matapos ang lapnagon nga “No Kings” protests sang weekend kag ginpahayag nga nagatrabaho ini agud magserbi sa pungsod kag indi agud maghari diri.
Suno kay Trump, indi ini hari kag nagapangabudlay ini agud mangin maayo ang Amerika.
Gintawag lamang niya nga “joke ang protesta kag ginpahayag nga ang mga raliyesta ang ginpondohan ni billionaire philanthropist George Soros kag iban pa nga mga nagapamatok sa iya.
Dugang pa sang US President nga tuman lamang kagamay ang numero sang mga raliyesta kag wala ini sang dako nga epekto.
Sang Sabado, minilyon ang nagtipon sa nagkalain-lain nga estado sang Amerika agud magpabutyag sang pagpamatok sa administrasyon ni Trump nga ila gintawag pagpamahog sang demokrasya, free speech kag environment.
![Pinterest](https://pinterest.com/pin/create/button/?url=https://bacolod.bomboradyo.com/us-president-donald-trump-ginreject-ang-mga-akusasyon-nga-siya-ang-authoritarian-sa-lapnagon-nga-no-kings-protests/&media=https://img.bomboradyo.com/bacolod/2025/10/NO-KING-PROTEST.webp&description=US President Donald Trump, ginreject ang mga akusasyon nga siya ang 'authoritarian' sa lapnagon nga "No Kings" protests){kind=link}