2 patay sa pagsigabong sang factory sang palupok sa Bulacan

Patay ang duha ka persona matapos ang pagsigabong nga nagluntad sa factory sang mga palupok sa Barangay Partida, Norzagaray, Bulacan kahapon.

Isa sa mga nagkalamatay ang nagatrabaho sa nasambit nga factory samtang ang isa ang residente malapit sa lugar nga nakaangkon sang patal nga mga pilas sa lawas.

Nagpatigayon na sang imbestigasyon ang mga otoridad kun ano ang gintunaan sang nasambit nga paglupok.

Ginahibalo pa sa karun sang Bureau of Fire Protection (BFP) kag Philippine National Police (PNP) kung may permit ang nasambit nga factory.

Nagapadayon pa ang pagpangita sang mga otoridad sa tag-iya sang factory nga hinali na lamang nga nadula matapos ang insidente.