Assets sang mga bangko sa Pilipinas, nagsaka sa P27.7 trillion sang Agosto

Nagdangat sa P27.7 trillion ang kabilugan nga assets sang mga bangko sa Pilipinas sang Agosto, suno sa Bangko Sentral ng Pilipinas (BSP).

Nagtaas ini sang 6.7 percent halin sa P25.99 trillion sang tinalikdan nga tuig bangud sa padayon nga pagsaka sang loans kag deposits.

Nagapanguna ang universal kag commercial banks ang may pinakadako nga amot sa assets nga P25.9 trillion, ginsundan sang thrift banks nga may P1.3 trillion, rural kag cooperative banks nga may P385.45 billion, kag digital banks nga may yara sang P141.77 billion.

Nagdangat naman sa P15.19 trillion ang net loan portfolio sang sektor, sa diin nagsaka sang 9.9 percent year on year, samtang ang deposit liabilities ang nagdabong sang 6.9 percent sa P20.45 trillion.