Ululupod nga nagpangamuyo sanday King Charles kag Pope Leo XIV sa Sistine Chapel sa Vatican sang Huwebes sa labing una nga joint worship humalin sang nagbiya sa Rome si King Henry VIII sang 1534.
Nabatian ang latin chants kag English prayers sa chapel kun sa diin gin-eleher si Pope Leo bilang labing una nga Amerikano nga Santo Papa sang Catholic cardinals anum ka bulan na ang nakaligad.
Apisar nga nakigkita na si Charles sa tatlo ka mga Santo Papa, sanday Popes John Paul II kag Benedict XVI amu ang nagbyahe padulong sa Britanya sa ila nagliligad nga mga engkwentro kag wala ginlakipan sang joint prayers.
Ang pagbisita sang hari kag reyna sang Britanya sa Vatican ang nagamarka sang nagainit nga relasyon sa tunga sang Simbahan Katoliko kag Anglican Communion pagkatapos sang lima ka siglo.
