Posible nga magluntad ang “Big One” nga mga linog nga nagakusog sang magnitude 7.9 tubtob magnitude 8.2 mangin sagwa sang Metro Manila suno sa Philippine Institute of Volcanology and Seismology (PHIVOLCS).
Suno kay PHIVOLCS Director Dr. Teresito Bacolcol, apisar nga nagafocus ang preparasyon kag response plans para sa “Big One” sa Metro Manila, posible gihapon nga magluntad ang makusog nga mga linog sa iban nga trenches sagwa sang National Capital Region.
Suno diri, ang Philippine Fault sa Nueva Ecija ang makatuga sang magnitude 7.9 nga linog samtang ang 400 kilometer Negros Trench ang posible nga makatuga sang isa ka magnitude 8.2 nga linog.
Samtang, gin-athag naman ni Department of Science and Technology (DOST) Secretary Renato Solidum Jr. nga indi predictions ang nasambit nga mga detalye kundi scenarios lamang.
