America, liwat nga may ginbombahan nga apat ka sea vessels sa Pacific Ocean nga ginapatihan nagadala sang illegal nga droga

Liwat nga nagpatigayon ang US military sang airstrike sa apat ka mga vessel nga may dala nga illegal nga druga sa nasidlangan nga bahin sang Pacific Ocean.

Suno kay US Secretary of Defense Pete Hegseth, sa pinakaulihi nga insidente, 14 ka mga persona ang nagkalamatay.

Ini ang labing una nga kahigayunan nga may apat ka mga vessel nga dululungan nga ginpatigayunan sang military operations sang Amerika.

Ginpahayag sini nga nagapakig-angot sa ila ang mga Mexican authorities matapos nakakuha sang impormason natuhoy sa pagdala sang illegal nga druga sang vessel.

Humalin sang Setyembre, may yara sang 14 ka mga vessel nga ginpalukpan sang US military nga nagadala sang illegal nga druga nga gintunaan sang kamatayon sang 57 ka mga persona.