Natalana nga i-auction sang Bureau of Customs (BOC) ang pito sa 13 ka mga salakyan nga ginapanag-iyahan sang mag-asawa nga Pacifico “Curlee” kag Cezarah Discaya.
Suno kay BOC spokesperson Chris Bendijo, nagfile sang voluntary forfeiture ang mga Discaya kag indi na sila mag-apelar sa pagkumpiskar sang pito sa 13 ka mga salakyan nga yara sa kustodiya sang ahensya.
Ang pito ka mga salakyan ang wala sang maskin anuman nga rekord sang import entry ukon certificates of payment.
Ginalakipan ini sang mga Rolls-Royce Cullinan, Bentley Bentayga, Mercedes-Benz G63 kag G500, Lincoln Navigator L, Toyota Tundra kag Sequoia.
Natalana ang auction sa Nobyembre 15 kag wala sila sang plano nga i-livestream ini.
Ang nabilin nga anum ka mga salakyan ang may yara sang import documents apang kwestiyonable ang payment records gani nagsumite ang mga Discaya sang “position paper” agud pamatukan ang seizure order sang BOC.
