Preparado na ang deployment plan sang Regional Explosive Ordinance Disposal (EOD) and Canine unit- Negros Island Region para sa All Saints Day kag All Souls Day.
Sa interview sang Bombo Radyo kay PCpt Jester Minguez, assistance chief sang EOD and Canine Unit- NIR, may deployment plan na sila para sa Nobyembre 1 kag Nobyembre 2 sa pagconduct sang funneling operation sa mga public kag private cemetery kasubong man sa mga seaports kag bus terminals.
Suno diri, timprano pa sila maconduct sang operation agud madutay lang ang tawo kag wala sang gahod nga makadistorbo sa mga ido.
Suno kay Minguez, paagi sa funneling operation maprebentar nga may magluntad nga krimen kasubong man nga indi madayon ang plano sang may malain nga tuyo.
Pahanumdom sini nga mangin alerto kag ireport ang mga suspicious nga mga bag ukon package kag indi gid ini pagtandogon.
