Ginpahayag sang White House nga ginbombahan sang Amerika ang isa nanaman kag ginaalegar drug-smuggling vessel sa eastern Pacific Ocean nga gintunaan sang kamatayon sang apat ka mga lalaki, isa ka adlaw matapos ginkumpirmar sini nga 14 ka mga persona ang napatay sa pagpatigayon sang airstrikes sa tatlo ka mga barko sa area.
Suno kay US Secretary of Defense Pete Hegseth, nagpatigayon ang Department of War sang isa ka lethal kinetic strike sa isa pa ka narco-trafficking vessel.
Suno diri, apat ka lalaki nga terorista ang nagkalamatay sa barko nga gina-operate sang isa ka “Designated Terrorist Organization”.
Wala ini naghatag sang exact location sang pagpang-atake apang iya ginpahayag nga ini ang ginpatigayon sa international waters sa eastern Pacific Ocean.
Wala pa sa karun natumod ang identity sang mga nagkalamatay sa nasambit nga airstrike.
