Ginpatuman na sang Department of Health (DOH) ang Code White alert bilang kabahin sang obserbasyon sa tigkalalag subong nga tuig.
Sa ginpaggwa nga statement sang DOH, nalakip sa amo nga Code alert nga magalawig tubtob subong nga adlaw, Nobyembre 2, 2025 ang tanan nga DOH hospitals kag central kag regional offices sa bug-os nga Pilipinas.
Sa idalom sang Code White Alert, padayon ang monitoring sang DOH Operations Center kag naka-standby na ang mga bulong, medical equipment, kag Health Emergency Response Teams agud nga magresponder sa mga patyo kag iban pa nga matawo nga lugar.
Gina-abisuhan naman ni Health Secretary Ted Herbosa ang publiko nga magdala sang tubig kag bulong kun magpadulong sa mga patyo kag maghugas sang kamot agud makalikaw sa mga virus.
