Patay ang 33 anyos nga babayi matapos ginhampak sang makusog nga hangin kag mapalid ang iya balay sa Sitio Dulom, Barangay San Miguel, La Carlota City kahapon.
Ini kadungan sa paglaslas sang Bagyo TINO sa probinsya alas-9:30 sang aga.
Suno sa La Carlota City Police Station, una nga gin-evacuate sang live-in partner sang biktima ang ila anom ka tuig nga bata nga lalaki sa ila kaingod balay.
Apang sang ginbalikan sini ang biktima, napalid na sang hangin ang ila balay upod sa iya live-in partner.
Nabudlayan pa ini sa pagpangita sang masakyan bangod sa malain nga tiyempo tubtob nga makahulam sang Suzuki carry agud madala sa Don Salvador Benedicto Memorial District Hospital ang biktima.
Apang ini ang gindeklarar dead on arrival ala-1:23 kahapon sang hapon.
