Nagapabilin nga mabakod sa 1.7 percent ang inflation rate sang Pilipinas sang Oktubre 2025 kaangay sang narecord sang Setyembre.
Ini ang santo sa report sang Philippine Statistics Authority (PSA) sang Miyerkules.
Sa isa ka press conference, ginpahayag ni PSA Chief at National Statistician Claire Dennis Mapa nga ang kabug-usan nga inflation ukon ang rate sang pagsaka sa presyo sang mga balaklon kag serbisyo ang nagapabilin sa 1.7 percent.
Bangud sini ang average inflation humalin sang Enero tubtob Oktubre 2025 amo ang nagapabilin sa 1.7 percent nga mas manubo sa gintalana nga target range sang gobyerno nga yara sa 2 tubtob 4 percent.
Ginapakita sang nasambit nga datos nga nagapabilin nga kontrolado ang pagsaka sang presyo sang mga nagapanguna nga balaklon sa pungsod apisar nga padayon nga ginabantayan sang mga otoridad ang posible nga epekto sang ginios-gios sa world market kag kondisyon sang panahon sa masunod nga bulan.
