Nagpalab-ot sang P760 million nga bulig pinansyal si President Ferdinand Marcos Jr. sa mga local government unit nga naapektuhan ni Bagyo Tino.
Suno kay Palace Press Officer USec. Claire Castro, sa nasambit nga kantidad, makabaton sang tag P50 million ang Cebu, Capiz, Surigao del Norte, Iloilo, Bohol kag Negros Occidental.
Tag-P40 million naman ang mabaton sang Eastern Samar, Surigao del Sur, Southern Leyte, Antique kag Aklan.
Tag P30 million naman ang mabaton sang Leyte kag Masbate samtang tag-P20 million sa Guimaras, Agusan del Norte kag Dinagat Island.
Tag P10 million ang igapanagtag sa Biliran, Camarines Sur, Misamis Oriental, Negros Oriental kag Palawan.
Samtang, tag P5 million naman ang igapanagtag sa Albay, Romblon, Batangas, Northern Samar, Siquijor, Quezon, Samar, Agusan del Sur, Laguna, Zamboanga City, Camiguin, Occidental Mindoro, Camarines Norte, Zamboanga del Norte, Iligan City, Manila City kag Camiguin.
