Liwat nga naglunsyar sang ballistic missile ang North Korea sang Biyernes, Nobyembre 7, padulong sa east coast kag mga kadagatan nga sakop sang South Korea kag Japan.
Ini ang ginpatigayon pila ka adlaw matapos ginrekomendar ni US President Donald Trump nga luyag sini nga makighinun-anon kay North Korean Leader Kim Jong Un.
Suno sa Pyongyang, nag-igo ang missile sa northwest nga bahin sang South Korea malapit sa border sang China kag ginkumpirmar man sang Japan nga nagtupa ang missile debris sa exclusive economic zone sang pungsod.
Wala naman sang may nareport nga halit suno kay Prime Minister Sanae Takaichi.
Madumduman nga sang damlag lang, makapila ka beses nga nagpatigayon sang asod-asod nga missile tests ang Pyongyang lakip na ang mga hypersonic kag cruise missiles.
Nagapati ang mga eksperto nga ini ang pagpakita sang North Korea sang kusog sa tunga sang nagapabilin nga tensyon sa tunga sang South Korea kag Estados Unidos.
