Naka-full alert status na ang tanan nga ahensya sang gobyerno para sa impact sang Typhoon Uwan nga ginapanan-aw nga mag-develop sa isa ka super typhoon kag possible maka-apekto a masobra 8 million ka mga Filipino sa bilog nga pungsod.
Sa isa ka statement, ginpahayag ni President Ferdinand “Bongbong” Marcos Jr. nga nagapadayon ang gobyerno sa pag-monitor sang nagabaskog nga Uwan samtang padulong sa northern Luzon.
Suno sa Presidente nga ang ini nga mga tikang ang nagalakip sang temprano nga deployment sang mga bus kag truck sang Department of Transportation (DOTr) kag Land Transportation Franchising and Regulatory Board (LTFRB) para sa evacuation efforts.
Samtang, gin-preposition na sang Department of Social Welfare and Development (DSWD), Department of Public Works and Highways (DPWH), Armed Forces of the Philippines (AFP), kag Philippine Coast Guard (PCG), ang rescue vehicles, lifeboats, kag relief goods sa mga lugar nga mahimo ma-apektuhan sang bagyo.
Agud mapahagan-hagan ang impact sang Uwan sa paghulag sang disaster teams, ginpahayag ni Marcos nga gin-suspend ang toll fees para sa emergency convoys kag responders
Gindugang pa niya nga nagpatigayon na sang dredging activities ang local government units (LGU).
Nag-apelar man si Marcos sa publiko nga mag-isa kag ginsiling nga importante ang tagsa ka segundo samtang may ginapangatubang nga kalamidad.
