Wala sang may narekord nga casualty sa ciudad sang Bacolod matapos ang paglabay sang bagyo TINO kag bagyo UWAN.
Sa intervew sang Bombo Radyo Bacolod kay Dr Ana Maria Pornan, pinuno sang Bacolod City Disaster Risk Reduction Management Office (DRRMO), 591 tanan ka mga pamilya ang gin-evacuate kahapon nga kalabanan naggikan sa coastal areas.
Suno diri, iban sa mga evacuees nagpauli na apang iban nagbalik sa pagpatigayon sang preemptive evacuation samtang ang iban nagpabilin bangod wala pa sila sang mapulian matapos nga maguba ang ila balay.
Suno kay Pornan, wala man sang may nagluntad nga pagbaha sa ciudad apisar nga madamol ang ulan kahapon.
Sa karun nagaprerar na ang DRRMO sang food packs para sa mga evacuees kag gina-assess naman sang Department of Social-Services & Development (DSSD) sa mga balay nga totally damaged kag partially damaged sa ciudad.
Ginapasalamatan ni Pornan nga wala maayo natam-an ang ciudad sa halit sang mga bagyo apisar nga may nagkalaguba nga balay ukon nagkalatumba nga poste, wala sang may narekord nga casualty.
