Jail officer nga gina-alegar naigo sang bala samtang yara sa iya balay sa Bacolod City, ginbawian sang kabuhi sa ospital

Nagtaliwan na ang babayi nga personnel sang Bureau of Jail Management and Penology (BJMP) nga gina-alegar naigo sang bala samtang yara sa iya balay sa Bacolod City, pasado alas-9:00 sang gab-i sang Lunes, Nobyembre 10.

Samtang wala pa sang examination result ang mga kapulisan bangud ginahulat pa ang desisyon sang pamilya kun willing ba ipa-autopsy ang lawas sang biktima.

Madumduman nga kritikal ang kondisyon sang Jail Officer 1 matapos nga gina-alegar naigo sang bala kag gilayon nga gindala sa ospital bangud nakita nga may sinyales pa sang kabuhi.

Suno diri, ang tanan nga angulo ang ila gina-imbestigaran kalakip ang alegasyon nga gintuyo sang biktima nga utason ang iya kabuhi.