Naghuyang na sa Tropical Depression category ang Bagypo UWAN kag ginalauman nga ini ang maggwa na sa Philippine Area of Responsibility karun sa hapon.
Ang Bagyo ang liwat nga nagsulod sa PAR alas-5:00 kahapon sang hapon.
Alas-4:00 kaina sang kaagahon, ini ang ulihi nga nasiplatan sa 305 km sa naaminhan sang Itbayat, Batanes.
Dala sini ang kabaskugon sang hangin nga nagadangat sa 55 km/h kag pagmadlos nga tubtob 70 km/h.
Ini ang nagahulag padulong sa naaminhan-nasidlangan nga dereksyon sa kadasigon nga 25 km/h.
Sumugod sang maglandfall sa Taiwan, padayun na ang paghuyang sang Bagyo UWAN gani sa karun ini ang yara na lamang sa Tropical Depression category.
Ginalauman naman nga ini ang Low Pressure Area na lamang sa pagwa sa PAR karun sa hapon.
Wala na sang ano man nga lugar nga napaidalom sa wind signal sa Pilipinas.
Samtang naga-apekto naman sa Mindanao ang Intertropical Convergence Zone ukon ang linya kun sa diin nagasugat-anay ang hangin gikan sa Northern kag Southern Hemisphere.
Makita natun ang madamol nga gal-om, nga amo ang makatuga sang lapnagon nga mga pag-ulan sa Mindanao kag Eastern Visayas.
