Ginpahayag ni Portuguese superstar Cristiano Ronaldo nga ang World Cup 2026 amo na ang ulihi sini nga world cup sa iya career bilang football player.
Suno pa sa 40 anyos nga player, nga may masobra 950 ka club kag international goals, siya magaretire sa football sa masunod nga isa ukon duha ka tuig.
Nagalaum ini nga makahampang sa ika-anum nga World Cup matapos nga nga dutayan lang magdaog ang team sini sang 2006 apang napierde ang Portugal sa France sa semifinals.
Sang tinalikdan, si Ronaldo ang nangin top goalscorer sa World Cup qualifying history sang nakascore ini sang 41 golas batok sa Hungary kun sa diin nalapawan na sini si retired Guatemalan international Carlos Ruiz sa score nga 39 goals.
Ang former Manchester United, Real Madrid kag Juventus forward amo man ang all-time leading international goalscorer nga may 143 strikes.
Tinalikdan nga bulan lamang sang ginhingadlan si Ronaldo bilang first billionaire sang Bloomberg kun sa diin siya ang nagpanguna sa listahan sang Forbes sa highest-paid footballers sa ika-anum na nga beses sa isa ka dekada.
Pahayag ni Ronaldo, aminado ini nga sa pag-abot sang tion nga magretiro na siya, ini mabudlay para sa iya kag mahimo ini isa sa mga butang nga makapatulo sang luha niya.
