Daw kaangay nga nagapakitluoy na sa iya pamilya si Chief Presidential Legal Counsel kag former Senate President Juan Ponce Enrile nga makapauli sa ila puluy-an bangud indi sini luyag nga magtinir sa ospital sa iya ulihi nga mga inadlaw.
Si Enrile ang sa karun naga-edad sang 101 kag yara sa intensive care unit (ICU) bangud sa ginasuprer nga pneumonia.
Suno kay former Senator Gringo Honasan, padayon nga ginabantayan sang iya pamilya kag mga doktor ang anay Senate President.
Ginpahayag naman sang bata sini nga si Katrina Ponce Enrile nga indi maayo ang kahimtangan sang anay Senate President kag nagapabilin sa kritikal nga kondisyon.
Sang Martes, ginpakigbahin ni Senator Jinggoy Estrada sa session sang Senado nga may “slim chances of surviving” si Enrile, rason kun ngaa naghalad sang pagpangamuyo ang mga senador para sa iya.
