Indi magnubo sa 37 ka mga persona ang nagkalamatay kag dinosena ang napilasan matapos aksidente nga nahulog ang bus sa pil-as sa nabukid nga bahin sang Arequipa region sa southern Peru.
Ang mga fatalities ang ginalakipan sang 36 ka mga persona nga nagkalamatay sa site kag isa nga napatay sa ospital.
Ang death toll ang nalakip sa ginakabig pinakamataas nga numero sang fatalities sa mga asod-asod nga bus accidents sang nagliligad nga mga tinuig sa Latin America kag isa sa pinakamalala sa Peru.
Nalakip sa mga pilason ang walo ka bulan nga lapsag kag duha ka iban pa nga mga kabataan.
Ang bus company nga Llamosas ang tubtob sa karun wala pa nakapagwa sang komento.
Suno sa mga otoridad, nagabyahe ang bus sa highway nagikan sa banwa sang Chala padulong sa rehiyon sa Arequipa sang nakabunggo ini sa isa ka van.
Bangud sa kakusog sang impact nahulog ini sa pil-as nga may kapin 200 metros nga kadalumon.
Suno sa gobyerno sang Arequipa, 26 sa karun ang ginabulong pa bangud sa naagom nga mga pilas kag tatlo sa mga ini ang yara sa seryoso nga kondisyon.
