-- ADVERTISEMENT --
Gintapos na ni US President Donald Trump ang pinakamalawig nga government shutdown sa maragtas sang Amerika nga nagdugay sang masobra isa ka bulan.
Ini matapos nga ginpermahan na ni Trump ang funding bill sa iya Oval Office sa White House sang Martes.
Ang pagperma sang US Presidente ang pila lamang ka minutos matapos ginpasar sang House of Representatives ang bill sa boto nga 222 – 209, kun sa diin anum ka mga Democrats ang nalakip sa mga Republican lawmakers nga nagpabor.
Sa pagtapos sang shutdown kag liwat nga pagbukas sang gobyerno sang Amerika, magabalik na sa regular scheduled programming ang US Congress.
Ginalauman nga pila ka mga federal employees kag contractors ang magabalik naman sa pagtrabaho.
-- ADVERTISEMENT --
