Ang mga ginikanan ang himuon ang tanan para sa kaayuhan sang mga kabataan.
Sa China, isa ka amay ang naghalin sa iya trabaho kag nagbyahe sang 900km agud nga magpatindog sang stall malapit sa eskwelahan sang iya anak matapos nagreklamo ini nga indi niya mauyunan ang mga sud-an sa canteen.
Ang iya anak nga si Li Bingdi, ang isa ka second-year student sa Jilin Normal University sa Siping, Jilin province, sa northeastern China.
Sa sulod sang pila ka tuig, nagareklamo si Li nga indi ini makasaho sang pagkaon sa iya eskwelahan bangud indi matinlo kag indi manamit kaangay sang iya natilawan sa ila balay.
Bangud sini, nag-resign ang iya amay sa isa ka barbecue restaurant nga tuman ka layo sa iya kag nagpadulong sa southern China agud magtuon sa pagluto sang fried rice kag noodles.
Nagrenta man ini sang gamay nga stall malapit sa gate sang eskwelahan.
Sa una nga adlaw, gamay lang ang nagbakal sa iya amay gani gin-post niya ini sa social media kag ginpakigbahin ang makatalandog balatyagon nga istorya sa likod sini.
Pagkasunod nga adlaw, madamo na ang nagbakal sa stall nga nagalakip sang mga estudyante, mga manunudlo kag mga residente sa palibot.
