Ginpanginwala ni Budget Secretary Amenah Pangandaman ang mga alegasyon ni former Ako Bicol Party list Rep. Zaldy Co nga ginmanduan niya ini nga mag-insert sang indi magnubo P100 billion nga balor sang proyekto sa pagsugod sang bicameral conference committee deliberations.
Sa isa ka video message, gin-alegar ni Co nga ginmanduan ni President Ferdinand Marcos Jr. si Pangandaman kag ang iya pakaisa nga si former House Speaker Martin Romualdez nga mag-insert sang pondo.
Suno kay Pangandaman, ila ginareject ang maskin ano nga insinuations natuhoy diri.
Suno diri, ang Bicam ang napaidalum lamang sa gahom sang legislature kag ila ginarespeto kag hugot nga ginasunod ang budget process.
Suno sa iya, ang tanan nga appropriations nga ginmando ni Marcos ang yara na National Expenditure Program, nga ila ginpasa sa Kongreso antes ang deliberasyon sang bicameral conference committee.
Dugang pa sini nga kun napasa na nila ang budget sang Presidente, wala na sang kahilabtanan si Marcos sa bicam deliberations.
