Nag-upod sa Dugong Bombo: Bloodletting activity ang mga reserve sang 82nd Naval Group sang Philippine Navy – Negros Island Region.
Sila ang ginpangunahan ni Chief Master Marlon Sy, deputy commander sang 82nd Naval Group.
Sa interview sang Bombo Radyo Bacolod kay Sy, madamo kuntani sang mga luyag mag-upod sa bloodletting drive apang sila ang wala sang masakyan.
Dugang pa sini nga nakasugod na sang training ang iban, kag indi naman maayo nga sila ang magpakuha sang dugo nga gikan sa initan.
Bangod sini, ginpili na lamang ni Sy nga dal-on ang 30 ka mga Navy reserves nga lamharon pa kag preska pa ang dugo.
Suno sa iya, yara kuntani sa 150 ang mga willing magpartisipar, apang iban sa mga ini ang may edad naman kag nagatumar na sang maintenance.
Sila ang tuigan man nga naga-upod sa Dugong Bombo bangod ginakabig na nila nga official radio partner ang Bombo Radyo.
Pahanumdom ni Sy nga tuman ka importante nga may reserbe nga dugo, agud may magamit inkaso may mga matabo nga insidente ukon disasters kag may magakinahanglan sang blood transfusion.
Pinaagi sa gindonar nga dugo, may-ara sang masugpunan nga kabuhi.
